"Rosatom" alimləri canlı hüceyrələrdən qan damarları yetişdirib
Rusiyanın “Rosatom” Dövlət Nüvə Enerjisi Korporasiyasının alimləri canlı hüceyrələrdən qan damarları yetişdiriblər.
Şirkətin Troitsk Elm İnstitutunun tədqiqatçıları qan damarlarının uzun toxuma ekvivalentlərini uğurla biofabrikasiya ediblər.
Alimlər hesab edirlər ki, biofabrikasiya transplantasiya və regenerativ tibbdə böyük inqilabdır və 2030-cu ilə qədər daha mürəkkəb və şaxələnmiş süni damar sistemləri istehsal etməyi hədəfləyir.
Aterosklerozun cərrahi müalicəsində istifadə üçün süni damarlar hazırlanır.
Ultrasəs akustik sahəsindən istifadə edərək, uzunluğu 10 santimetrə qədər olan qan damarlarının ekvivalentlərini böyütmək olar. Bu texnologiyanın varikoz damarları, tromboz, ürək-damar xəstəliyi və digər damar xəstəliklərindən əziyyət çəkən insanlara kömək edəcəyi gözlənilir.
Bu texnologiyanın qarşıdakı illərdə digər zədələnmiş toxuma və orqanların bərpasına imkan verməsi hədəflənir.
Layihə uğurlu olarsa, xəstələrin orqan donorlarını gözləmək məcburiyyətində qalmayacağı, bunun əvəzinə böyrək, mədəaltı vəzi, ağciyər və digər orqanların fərdi, mükəmməl uyğunlaşan, tək-tək süni versiyalarının hazırlanacağı təxmin edilir.
