Netanyahunun evi yaxınlığında etiraz aksiyası keçirən 5 nəfər saxlanılıb
İsrailin baş naziri Binyamin Netanyahunun Yerusəlimdəki evinin qarşısında girovların azad edilməsinə etiraz edən 5 nümayişçi həbs edilib.
AFN.az xəbər verir ki, bu barədə "Times of Israel" məlumat yayıb.
Bildirilir ki, səhər tezdən İsrailin baş nazirinin evinin qarşısında toplaşan 20-yə yaxın adam səsgücləndiricilər vasitəsilə qışda HƏMAS tunellərində girovların soyuqdan, işgəncədən və xəstəlikdən əziyyət çəkdiyini bildiriblər. Onlar həmçinin polisin onun həyat yoldaşını araşdırdığını və oğlunun Mayamidə yaşayaraq müharibə vaxtı ehtiyatda xidmət etməkdən yayındığını səsləndiriblər.
Nümayişçilər həmçinin nağara və buynuzlarda ifa etməklə etirazlarını bildiriblər.
Xəbərdə qeyd edilir ki, onlar təxminən 20 dəqiqədən sonra dağılışıblar və yola düşərkən bir neçə nəfər polis tərəfindən saxlanılaraq yaxınlıqdakı polis bölməsinə dindirilmək üçün aparıblar.
Polis onların ictimai asayiş qaydalarını pozduqlarına görə saxlandığını bildirib.
