Venesuela X-ı bağlayır
Venesuela prezidenti Nikolas Maduro İlon Maska məxsus X sosial media platformasına 10 gün müddətinə girişin qadağan edilməsi barədə göstəriş verib.
Venesuelanın paytaxtı Karakasda dövlət nazirliyi sarayı Mirafloresdə tərəfdarlarına müraciət edən prezident Nikolas Maduro X-in Venesuelada nifrət və zorakılıq yaydığını bildirib.
Maduro Milli Telekommunikasiya Komissiyası (CONATEL) ilə danışdığını və X-in 10 gün müddətinə dövriyyədən çıxarılması üçün lazımi göstərişlər verdiyini bildirib.
Tərəfdarlarından verdiyi qərarla bağlı onun yanında olmalarını istəyən Maduro, ""WhatsApp", "Instagram" və "TikTok"dan başqa yeni sosial media platformalarının bir gün Venesuelada yaradılacağına tam inanıram" ifadələrini işlədib.
Mənbə: AA
