Mərakeş Qəzzaya ilk dəfə hava yardımı çatdırıb
Mərakeş Qəzza zolağına ilk dəfə hava yardımı çatdırıb.
Mərakeşdəki Hespress saytının xəbərinə görə, İsrail Xarici İşlər Nazirliyindəki mənbə Rabat rəhbərliyinin Təl-Əvivə və Qəzza zolağının şimalına humanitar yardım təyyarələri göndərilməsini tələb etdiyini bildirib. Bu tələb İsrail tərəfindən müsbət qarşılanıb.
Bunun üzərinə Rabat rəhbərliyi İsrail hökuməti ilə koordinasiyada Mərakeş Silahlı Qüvvələrinə aid yardım materialları daşıyan 6 hərbi təyyarəni Qəzzaya göndərib.
Xəbərdə mövzu ilə bağlı ətraflı məlumat verilməyib.
