Şimali Koreya lideri yeni qanadlı raketlərin sınaq atışlarını izləyib
Şimali Koreya lideri Kim Çen In sualtı qayıqlardan buraxılması üçün nəzərdə tutulmuş "Pulhvasal-3-31" adlı qanadlı raketin sınaq atışlarını izləyib.
Şimali Koreya Mərkəzi Xəbər Agentliyi (KCNA) Şimali Koreya lideri Kimin rəhbərliyi altında yeni raketin sınaqdan keçirildiyini bildirib.
Qeyd olunub ki, Kim Şimali Koreyanın aparıcı rəsmiləri ilə birlikdə yeni hazırlanmış sualtı qayıqlardan buraxılan “Pulhvasal-3-31” qanadlı raketinin sınaq atışlarına rəhbərlik edib.
Sınaq atəşinin qonşu ölkənin təhlükəsizliyinə təsir etmədiyi və regional vəziyyətlə heç bir əlaqəsi olmadığı vurğulanıb.
Hakim İşçi Partiyasına (WPK) yaxın olan "Rodong Sinmun" qəzeti iki ayrı raketin atıldığı anı əks etdirən fotoşəkillər dərc edib.
Şəkillərdə suyun içindən keçən raketlərin keçən həftə Şimali Koreyanın qərb sahilindən atılan yeni “Pulhvasal-3-31” tipli raketlər olduğu bildirilib.
