Jeff Bezosun aerokosmik şirkəti "New Shepard" raketini uğurla buraxıb

ABŞ-da Amazon CEO-su Jeff Bezosun aviasiya və kosmos şirkəti "Blue Origin" 2022-ci ildəki uğursuz cəhdindən sonra "New Shepard" raketini uğurla buraxıb.
CNN-in məlumatına görə, "New Shepard" raketi Qərbi Texasdakı "Blue Origin" müəssisəsindəki missiyasını uğurla başa vurub.
Raket faydalı yükü buraxdıqdan bir müddət sonra yerə uğurla enib.
Qeyd edək ki, dekabrın 18-də sistem problemlərinə görə "New Shepard"ın buraxılışı ləğv edilmişdi.