Cənubi Koreya: "Kesonqda bizə məxsus 30 fabrik Şimali Koreya tərəfindən icazəsiz istifadə olunur"
Cənubi Koreyanın Birləşmə Nazirliyinin sözçüsü Koo Byonq-sam, ölkələrinin sərhəddəki Kesonq şəhərindəki qapalı birgə sənaye müəssisəsindəki 30 fabrikin Şimali Koreya tərəfindən icazəsiz istifadə edildiyini iddia edib.
Yonhap-ın məlumatına görə, nazirliyin sözçüsü Koo mətbuata açıqlamasında Kesonqdakı qapalı müştərək sənaye obyekti ilə bağlı qiymətləndirmə edib.
Koo, Kesonq Sənaye Kompleksində ölkəsinə aid 30 fabrikin Şimali Koreya tərəfindən icazəsiz istifadə edildiyini iddia edib.
Pxenyan rəhbərliyinə dəfələrlə edilən zəng və xəbərdarlıqlara baxmayaraq sənaye obyektində Cənubi Koreya şirkətlərinin avadanlıqlarının icazəsiz istifadə edildiyini vurğulayan Koo, Güneyin mülkiyyət hüquqlarının pozulduğunu iddia edib.
Bundan əlavə, Koo, Pxenyan administrasiyasının 2020-ci ildə partlatdığı əlaqə ofisində dağıntıların çıxarılması işlərinin aparıldığını və mülkiyyət hüquqlarını pozan bu hərəkətlərin dərhal dayandırılmasını istəyib.
Koo əlavə edib ki, Şimali Koreyanın qeyri-qanuni hərəkətləri də Cənubi və Şimal arasındakı razılaşmaların açıq şəkildə pozulmasını təşkil edir.
