Liviyada seldən sonra epidemiya həyəcanı
Liviyanın şərqini vuran seldən ən çox zərər görən Dərnə şəhərində dağıntılar altındakı cəsədlər çürüməyə başlayır və kanalizasiya sularının içməli suya qarışması epidemiya təhlükəsini günü-gündən artırır.
Liviya Xəstəliklərlə Mübarizə Mərkəzinin direktoru Heydər əs-Saihin açıqlamasına görə, Dərnədə kanalizasiya sularının içməli suya qarışması səbəbindən 150 zəhərlənmə hadisəsi aşkarlanıb.
Birləşmiş Millətlər Təşkilatının Humanitar Məsələlər üzrə Koordinasiya Ofisindən (OCHA) verilən açıqlamada bildirilir ki, yerli media və sahə fəalları, 10 mindən çox insanın hələ də itkin düşdüyü şəhərdəqurdların olduğu şəhər küçələrində çürümüş cəsədlərin qoxusunun hakim olduğunu bildirirlər. Ərazidə infeksiyaya məruz qalmış heyvan cəmdəklərinə də tez-tez rast gəlinir.
Dağıntılar altındakı meyitlərin və heyvan cəmdəklərinin çürüməsi nəticəsində yayılan pis qoxu 200 min əhalisi olan şəhərin qalan hissəsini təhdid edir, 40 mindən çox insan ətraf şəhərlərə köç edir.
Sel fəlakətində ölənlərin sayını iki dəfə artırma riski yaradan bu təhlükə ilə əlaqədar Milli Birlik Hökuməti fəlakətin baş verdiyi şərqdəki şəhərlərdə bir il müddətinə fövqəladə vəziyyət elan edib.
Səhiyyə Nazirliyinə bağlı İcma Sağlamlığı Təcili Əməliyyatlar Otağının rəhbəri Cibril Abdusselam mətbuat konfransında Dərnənin üç bölgəyə bölündüyünü açıqlayıb: ağır zədələnmiş, həssas və təhlükəsiz. Əbdüsselam, ağır ziyan dəymiş ərazinin yaşayış üçün yararsız olduğunu və boşaldılmalı olduğunu qeyd edib. O, sel suları altında olan "həssas" ərazinin əhali üçün təhlükə yaratdığını, təhlükəsiz ərazinin isə yaşamaq üçün yararlı olduğunu bildirib.
Şəhərin boşaldılmasının tərəfdarı olmayan Beynəlxalq Qırmızı Xaç Komitəsi cəsədlərin epidemik xəstəlik riski daşımadığını açıqlayıb.
Əl-Bayda Bələdiyyəsinin Fövqəladə Səhiyyə Komitəsinin sədri Abdurrahim Mazik seldən daha pis nəticələrə səbəb ola biləcək ekoloji fəlakətin qarşısını almaq üçün bölgədəki insanların və xilasetmə qruplarının dərhal peyvənd edilməsinə çağırıb.
Dağıntılar altında hələ də çoxlu meyitlərin olması və onların fəlakətə hazır olmaması kəfən qıtlığına səbəb olub.
Bunun üzərinə Daxili İşlər Nazirliyinə bağlı Er-Rada Terrorla Mübarizə və Mütəşəkkil Cinayətkarlıqla Mübarizə Təşkilatı Dərnəyə kəfən daşıyan karvan göndərib.
Digər tərəfdən, meyitlərin parçalanması onların tələsik kütləvi məzarlıqlarda basdırılmasına səbəb olub.
İçməli suyun çirklənməsi nəticəsində xüsusilə uşaqlarda ishal hallarının sürətlə artması seldən zərər çəkmiş ərazilərdə epidemiya təhlükəsini ortaya qoyub. Liviya Xəstəliklərə Nəzarət Mərkəzi də Dərnədəki içməli suyun istifadəyə uyğun olmadığını və digər su mənbələrinin tapılması lazım olduğunu açıqlayıb.
Dərnəlilər xüsusilə seldən dərhal sonra quyu və çeşmə suyunun çirklənməsi səbəbindən içməli su tapmaqda çətinlik çəkirlər. Fəallar sosial şəbəkələri bölgəyə plastik qablarda su göndərməyə çağırıblar.
Liviyanın qərbindən şəhərə plastik şüşə su göndərilsə də, bu çağırışlar davam edirdi. Bu, bəzi bölgələrdə suyun fəlakət qurbanlarına çatmadığını göstərir.
