Sumqayıtda narkotik istifadəçilərinin sayı açıqlandı
AFN.az report-a istinadən xəbər verir ki, Sumqayıt şəhər Narkoloji Dispanserdən "Report"un yerli bürosuna bildirilib ki, hazırda müəssisədə qeydiyyatda olan narkoloji xəstələrin sayı 4 806 nəfərdir.
Qeyd olunub ki, narkotik istifadəçilərinin sayı isə 3418 nəfər təşkil edir. Onlardan 93 nəfəri qadındır.
Sumqayıt şəhər Narkoloji Dispanserində qeydiyyatda olan alkoqolizm xəstələrinin sayı isə 1397 nəfərdir. Onların 10-u zərif cinsin nümayəndəsidir.
Bildirilib ki, narkoloji xəstələrin və narkotik istifadəçilərinin əksəriyyəti 20-40 yaş arasındadır.
