ABŞ-dan Ukraynaya birbaşa büdcə dəstəyinin məbləği açıqlanıb
ABŞ-dan Ukraynaya birbaşa büdcə dəstəyinin ümumi məbləği 20 milyard dolları ötüb.
AFN.az "RİA Novosti"yə istinadən xəbər verir ki, bu barədə ABŞ-ın Kiyevdəki səfiri Bridcet Brink bildirib.
Onun sözlərinə görə, Vaşinqtondan Kiyevə verilən daha 1,25 milyard dollar qrant yardımı ilə dəstəyin ümumi həcmini 20 milyard dollardan çox təşkil edib.
Brink vurğulayıb ki, birbaşa büdcə yardımı Ukraynanın Rusiyaya qarşı müdafiəsinin vacib hissəsidir.
