Kuba parlamenti Migel Diaz-Kaneli yenidən respublika prezidenti seçib

Kuba Xalq Hakimiyyəti Milli Assambleyasının (birpalatalı parlament) deputatları hazırkı dövlət başçısı Migel Diaz-Kanel Bermudesi 2028-ci ilə qədər respublikanın prezidenti seçiblər.
AFN.az xarici mediaya istinadən xəbər verir ki, Kubanın dövlət televiziyası ilə yayımlanan iclasda iştirak edən 462 deputatdan 459-u Diaz-Kanelin namizədliyinin lehinə səs verib.
Parlament həmçinin prezidentin 2019-cu ildən baş nazir vəzifəsini icra edən hazırkı hökumət başçısı Manuel Marreronu baş nazir postuna təyin etmək təklifini təsdiqləyib. Bundan başqa, hökumətin tərkibi səs çoxluğu ilə təsdiq edilib.