Tanınmış jurnalist Media Tədris Mərkəzi yaradıb
Tanınmış telejurnalist Elnarə Dərziyeva Media Tədris Mərkəzi təsis edib.
AFN xəbər verir ki, bu barədə jurnalist özü məlumat verib. Onun sözlərinə görə, mərkəz fəaliyyətə başlamaq üzrədir: "Mərkəzdə medianın müxtəlif sahələri üzrə kadrlar yetişdiriləcək. Jurnalistikaya sevgisi, həvəsi olanlar peşəkarlığı media krallarından, məşhur simalardan öyrənəcəklər. Nəzəri biliklərdən çox təcrübəyə üstünlük veriləcək. Qısa müddət ərzində media mənsubu olmaq istəyən hər kəs Tədris Mərkəzinə müraciət edə bilər. Sonda xüsusilə fərqlənən tələbələrin işlə təmin olunmasında köməklik göstəriləcək".
Mərkəzdə təhsil müddəti 4-6 aydır. Kursu müvəffəqiyyətlə başa vuranlara sertifikat təqdim olunacaq.
