Türkiyədə kurortda baş verən yanğında ölənlərin sayı 79-a çatıb
Türkiyədə Kartalkaya dağ-xizək kurortunda baş verən yanğın nəticəsində ölənlərin sayı 79-a çatıb.
AFN.az xəbər verir ki, bu barədə Bolu prokurorluğu məlumat yayıb.
“DNT testlərindən sonra yanğında ölənlərin sayı 79-a çatıb”, - deyə prokurorluqdan bildirilib.
Türkiyə Səhiyyə Nazirliyi daha əvvəl bildirib ki, yanğın zamanı xəsarət alan 51 nəfərdən 39-u xəstəxanadan buraxılıb, 12 nəfərin müalicəsi davam edir.
Kartalkaya istirahət mərkəzində yanğın yanvarın 21-nə keçən gecə baş verib. Bundan əvvəl 76 nəfərin öldüyü bildirilirdi. Yanğın zamanı oteldə ümumilikdə 238 qonaq olub.
