Boykot edilən "Starbucks" ixtisarlara hazırlaşır
ABŞ qəhvə zənciri "Starbucks" şirkəti canlandırmaq planının bir hissəsi olaraq mart ayında korporativ komandasını ixtisar edəcəyini, lakin filiallarında çalışan baristaların ixtisarlardan təsirlənməyəcəyini açıqlayıb.
"Starbucks" ABŞ Qiymətli Kağızlar və Birja Komissiyasına (SEC) verdiyi ərizədə baş icraçı direktoru Brayan Nikolun mesajını paylaşıb.
Nikkol mesajında keçən ilin sentyabrında şirkəti canlandırmağı paylaşdıqlarını və görüləsi çox işlərin olmasına baxmayaraq, əldə edilən irəliləyişdən məmnun olduğunu bildirib.
İlkin işin ABŞ və Kanadadakı filiallara yönəldiyini qeyd edən Nikkol, biznesi qlobal miqyasda dəyişdirmək üçün çalışdıqlarını, eyni zamanda bütün dünyada dəstək qruplarının rolunu, strukturunu və ölçüsünü araşdırmaq lazım olduğunu izah edib.
Nikkol daha səmərəli işləmək üçün bəzi imkanların olduğunu da qeyd edib.
Dəstək qruplarının təşkilatlarını və iş üslublarını mənalı şəkildə dəyişdirmələri lazım olduğunu qeyd edən Nikkol "Təəssüf ki, işçilərimizi ixtisar edəcəyimizi və dəstək qruplarımızı kiçildəcəyimizi gözləyirəm. Bu iş mağazadaxili komandalarımıza və ya mağaza saatlarında investisiyalarımıza təsir etməyəcək. Dəyişiklikləri martın əvvəlində bildirəcəyik" vurğulayıb.
