Bakının bu məktəbində biabırçılıq: al-əlvan geyinib Putini… – FOTOLAR
Bakının Suraxanı rayonu, Hövsan qəsəbəsində yerləşən E.N Qaranzadə adına 270 nömrəli tam orta məktəbində matəm ərəfəsində utancverici tədbir təşkil edilib.
Tribunainfo.az xəbər verir ki, bu gün məktəbdə aylığın Tədbirlər Planına uyğun olaraq ibtidai sinif müəllimi Səbinə Mürşüdova “3e” sinfində “Başqa mədəniyyətlərə münasibət” mövzusunda dərs keçib.
Rusiyanın vurduğu təyyarəmizdə həlak olanların hələ üçü çıxmamış şagirdləri rəngarəng geyindirib, Rusiya prezidenti Vladimir Putinin olduğu fotonun əks edildiyi divar qəzeti hazırlayıblar.
Qeyd edək ki, Azərbaycanda 26 dekabr matəm günü elan olunub. Ertəsi gün isə Putinin fotosu ilə al-əlvan tədbir təşkil olunur. Bu da ciddi ictimai narazılıq doğurub.
Xalq Rusiyadan üzrxahlıq gözlədiyi vaxtda “5-ci kolon”un arzularını məktəblərdə ifadə edənlər var.
Xatırladaq ki, təyyarəmiz Rusiyaya məxsus “Pantsir S1” özüyeriyən raket sistemi ilə vurulub və qəzaya uğrayıb. Qəza nəticəsində 38 nəfər həlak olub, 29 nəfər sağ qalıb.
