ABŞ-ın elektrik enerjisinə tələbatının 16 faiz artacağı proqnozlaşdırılır
Məlumat mərkəzləri və fabriklərin təsiri ilə ABŞ-ın elektrik enerjisinə tələbatının yaxın 5 ildə təxminən 16 faiz artacağı açıqlanıb.
Baş ofisi Vaşinqtonda yerləşən enerji sektoru üzrə məsləhət şirkəti olan "Grid Strategies" ABŞ-ın enerji tələbatı ilə bağlı hesabat dərc edib.
Hesabatda 2029-cu ilə qədər ölkə daxilində elektrik enerjisinə tələbatın 15,8 faiz artmasının gözlənildiyi və bunun əsas amilinin məlumat mərkəzləri və istehsala investisiyalar olduğu bildirilib.
Hesabatda tələbin etibarlı və sərfəli şəkildə ödənilməsi üçün böyük miqyaslı ötürücü sərmayələrə ehtiyac olduğu vurğulanıb və bunun 128 gigavatlıq yeni enerji tələbatını ödəmək üçün on milyardlarla dollara qənaət edə biləcəyi qeyd edilib.
Hesabatda süni intellektin yüksəlişinin məlumat mərkəzlərinin böyüməsini sürətləndirdiyinə diqqət çəkilib.
Bundan əlavə, hesabatda ekstremal hava hadisələrinin tezliyində və şiddətində artımın bir çox bölgədə rekord tələblərə səbəb olduğu qeyd edilərək, siyasətçilər və şəbəkə planlaşdırıcılarının elektrik enerjisinə olan tələbatın artımını qarşılamağa hazır olması üçün bu amilləri nəzərə almalı olduqları bildirilib.
