Fransada bir binada baş verən yanğında 3 nəfər ölüb, 8 nəfər yaralanıb
Fransanın paytaxtı Parisətrafı məhəllələrdən biri olan Stainsdə bir binada baş verən yanğında 3 nəfər ölüb, 8 nəfər yaralanıb.
Sena-Saint-Denis qubernatorluğundan hadisə ilə bağlı verilən yazılı açıqlamada bildirilir ki, gecə saatlarında Stainsdəki bir binada naməlum səbəbdən yanğın baş verib.
Hadisə zamanı 3 nəfər ölüb, biri yanğınsöndürən olmaqla 8 nəfər yaralanıb.
Yanğının baş vermə səbəbləri ilə bağlı araşdırmalara başlanılıb.
