İngiltərədə birdəfəlik istifadə edilən əşyalara qadağa gəlir
Böyük Britaniyada hökumət plastik bıçaq, qaşıq və boşqab kimi birdəfəlik istifadə olunan əşyaların qadağan ediləcəyini təsdiqləyib. Qərarın nə vaxt qüvvəyə minəcəyi açıqlanmayıb.
AFN.az xəbər verir ki, Böyük Britaniya plastikdən istifadəni azaltmaq üçün tədbirlər görüb. Hökumət plastik bıçaq, qaşıq və boşqab kimi birdəfəlik istifadə olunan əşyaların qadağan ediləcəyini təsdiqləyib. Britaniyanın ətraf mühit naziri Tereza Koffi bu addımın gələcək nəsillər üçün ətraf mühitin qorunmasına kömək edəcəyini bildirib.
Qərarın nə vaxt qüvvəyə minəcəyi açıqlanmayıb. Rəsmi məlumatlar göstərir ki, Böyük Britaniyada hər il 1,1 milyard birdəfəlik boşqab və 4 milyarddan çox plastik bıçaq istifadə olunur. Məlumdur ki, plastik tullantılar uzun illər təbiətdə həll olunmur. Bu qadağa hazırda Şotlandiya və Uelsdə qüvvədədir. Digər tərəfdən, Böyük Britaniyada 2020-ci ildən plastik saman və qarışdırıcı kimi məhsulların istifadəsi qadağan edilib.
Leyla
