Sərkisyan Antikorrupsiya Komitəsinə çağırılıb
Ermənistanın keçmiş Prezidenti Serj Sarqsyan korrupsiya qarşı mübarizə tədbirləri çərçivəsində ölkənin Antikorrupsiya Komitəsinə çağırılıb.
“Report” “RİA Novosti”yə istinadən xəbər verir ki, bunu sabiq dövlət başçısının vəkili Amram Makinyan bildirib.
Məlumata görə, S.Sarqsyan komitəyə təqsirləndirilən şəxs kimi çağırılıb.
Vəkil deyib ki, hüquqlarını müdafiə etdiyi şəxsin Antikorrupsiya Komitəsinə çağırılması barədə bildiriş alıblar.
