BMT Təhlükəsizlik Şurasına sədrlik ABŞ-a keçdi
BMT Təhlükəsizlik Şurasına bir aylıq sədrlik Təhlükəsizlik Şurasının daimi üzvü olan ABŞ-a keçib.
Noyabrda quruma sədrliyi Böyük Britaniya həyata keçirib.
MT-nin mənzil-qərargahında ABŞ-ın BMT-dəki daimi nümayəndəsi Linda Tomas-Qrinfild tərəfindən yeni sədrliklə bağlı mətbuat konfransı keçiriləcək.
Ehtimal olunur ki, dekabr ayı ərzində BMT Təhlükəsizlik Şurası üzvlərinin iclaslarının əsas mövzusu Yaxın Şərqdə, xüsusilə Qəzza zolağında və İsrail-Livan sərhədində vəziyyət olacaq. Ümumilikdə, BMT Təhlükəsizlik Şurası bir ay ərzində 20-yə yaxın açıq iclas və qapalı məsləhətləşmələr keçirəcək.
BMT Təhlükəsizlik Şurası 15 üzvdən, o cümlədən 5 daimi üzvdən - Böyük Britaniya, Çin, Rusiya, ABŞ və Fransadan ibarətdir. Beşdən hər birinin veto hüququ var. BMT Təhlükəsizlik Şurasının 10 müvəqqəti üzvü Əlcəzair, Qayana, Malta, Mozambik, Koreya Respublikası, Sloveniya, Syerra-Leone, İsveçrə, Ekvador və Yaponiyadır. Dünya təşkilatının Nizamnaməsinə görə, Təhlükəsizlik Şurası sülhün və beynəlxalq təhlükəsizliyin qorunmasına cavabdehdir və BMT-yə üzv olan bütün ölkələr onun qərarlarına tabe olmağa borcludur.
