Zaxarova ABŞ-ın Rusiya viza mərkəzlərini bağlamasına cavab verdi
"ABŞ Rusiya viza mərkəzlərini bağlasa və diplomatları vergi güzəştlərindən məhrum edərsə, Moskva adekvat cavab verəcək".
AFN.az xəbər verir ki, bu barədə TASS-a Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
“Belə tədbirlər həyata keçirilərsə, Rusiya tərəfi adekvat cavab verəcək”, - diplomat vurğulayıb.
Qeyd edək ki, Rusiyanın ABŞ-dakı səfiri Anatoli Antonov bildirib ki, Amerika administrasiyası Rusiya Federasiyasının ABŞ-dakı viza mərkəzinin hər iki filialını bağlayır, həmçinin rusiyalı diplomatları ölkədə vergi ödəməmək imkanından məhrum edir. Onun sözlərinə görə, Amerika tərəfi öz hərəkətlərini heç bir şəkildə izah etməyib.
