Avropa enerji taleyini yenidən öz əlinə alib
Avropa İttifaqı (Aİ) qış dövrünü təxminən 60 faiz təbii qaz çəni doluluğu ilə rekord səviyyəyə çatdırıb.
Avropa İttifaqı Komissiyasının sədri Ursula fon der Leyen və Beynəlxalq Enerji Agentliyinin sədri Fatih Birol “Avropa enerji taleyini yenidən öz əlinə aldı” başlıqlı məqalə yazıb.
Məqalədə Avropanın Rusiya-Ukrayna müharibəsinin başlamasından sonra ikinci qış dövründən heç bir elektrik kəsilməsi, soyuq evlər və təchizat çatışmazlığı olmadan keçdiyinə diqqət çəkilərək, Avropanın bu qışı demək olar ki, rekord həddə, 60 faizə yaxın qaz çənləri ilə doldurduğu ifadə edilib.
Məqalədə qaz çənlərinin doluluq səviyyəsinin rekord həddə olmasının çox vacib olduğu vurğulanıb və bunun Rusiyanın Avropa enerji sektoru üzərindəki hökmranlığını itirdiyini göstərib.
Məqalədə Rusiya prezidenti Vladimir Putinin qaz təchizatı və yüksək yanacaq qiymətlərindən silah kimi istifadə edərək Avropaya təzyiq etmək istədiyi vurğulanıb və Avropa enerji sisteminin dayanıqlığının artırılmasında real irəliləyiş əldə etdiyi qeyd edilib. Bunun nəticəsində qazın qiymətinin sürətlə aşağı düşdüyü bildirilib.
Xatırladılıb ki, Avropa ölkələri tez və birlikdə hərəkət edərək Norveç kimi etibarlı təchizatçılara müraciət edərək problemin öhdəsindən gəliblər.
Bərpa olunan enerjiyə böyük sərmayə qoymaq və enerji səmərəliliyini artırmaqla bu böhrana struktur cavabı üzərində işləndiyi də xüsusilə qeyd edilib.
Məqalədə 2 il əvvəl Aİ-də istehlak edilən enerjinin hər 5-də 1-nin Rusiyanın qalıq yanacaqlarından gəldiyi, bu gün isə bunun 20-də 1-ə endiyi bildirilib.
Avropa Birliyinin bərpa olunan mənbələrdən təmin etdiyi enerjinin Rusiyadan təmin etdiyi enerjidən çox olduğu və Avropanın küləkdən elektrik enerjisi istehsalının ilk dəfə 2023-cü ildə qazı ötdüyü qeyd edilib.
Məqalədə 2025-ci ildən etibarən daha çox ABŞ və Qətərdən olan böyük və yeni mayeləşdirilmiş təbii qaz (LNG) layihələrinin həyata keçiriləcəyi xatırladılıb.
Müharibədən əvvəl Rusiyadan Aİ-yə qaz idxalının sürətinin 45 faiz olduğu, keçən il isə 15 faizə düşdüyünə diqqət çəkən məqalədə Avropanın Rusiyadan asılı olduğu günlərin geridə qaldığı qeyd edilib.
İqtisadi rəqabət gücü və davamlılığın əhəmiyyətini vurğulayan məqalədə bu nöqtədə sərfəli enerji qiymətlərinin vacib olduğu xatırladılıb.
Məqalədə qeyd olunub ki, emissiyalara qarşı mübarizə və iqlim hədəflərinə uyğun olaraq bərpa olunan enerji mənbələri, enerji səmərəliliyi, təmiz hidrogen və digər təmiz enerji texnologiyalarının miqyası xeyli artırılmalıdır.
