İsrail İranı yük gəmisini qaçırmaqda ittiham edir
İsrail hakimiyyəti Yəmən husiləri tərəfindən “Galaxy Leader” yük gəmisinin ələ keçirilməsini pisləyir və hücumda İranı günahlandırır.
TASS xəbər verir ki, bu barədə İsrailin baş naziri Benyamin Netanyahunun ofisinin bəyanatında deyilir.
“Biz İranın beynəlxalq gəmiyə hücumunu qətiyyətlə pisləyirik. Britaniya şirkətinə məxsus olan və Yapon şirkətinə məxsus gəmi İranın istəyi ilə Yəməndə husi milisləri tərəfindən ələ keçirilib” - deyə bəyanatda bildirilir.
“Galaxy Leader” gəmisinin tutulması noyabrın 19-da məlum olub. "Əl-Ərəbiyyə" kanalının məlumatına görə, gəmidə İsrail vətəndaşları da daxil olmaqla 22 nəfər olub.
İsrail Müdafiə Qüvvələri (IDF) gəminin İsrailə aid olmadığını bildirib. “Bu, Türkiyəni tərk edən və israillilər olmadan beynəlxalq mülki heyətlə Hindistana gedən bir gəmidir. Bu, İsrail gəmisi deyil”, - deyə İDF mətbuat xidmətinin bəyanatında deyilir. Eyni zamanda, İsrail ordusunun mətbuat xidməti Qırmızı dənizin cənubunda yük gəmisinin ələ keçirilməsini “qlobal səviyyədə çox ciddi hadisə” adlandırıb.
