İsrail Dəməşqin cənubundakı hərbi obyektlərə zərbələr endirib
İsrail Hərbi Hava Qüvvələri Dəməşqin cənubundakı hərbi hədəflərə hücum edib.
AFN.az xəbər verir ki, bu barədə “Al Vatan” qəzeti məlumat yayıb.
Bildirilir ki, hava hücumu Dəməşqin cənubunda yerləşən Nəcha şəhərindəki hərbi obyektlərə və zabit kazarmalarına olub. Tələfat və maddi dağıntılar barədə məlumat yoxdur.
Suriyada hakimiyyət dəyişikliyindən sonra İsrail aviasiyası mütəmadi olaraq Ərəb Respublikası ərazisindəki hərbi obyektlərə zərbələr endirir.
