Almaniyada kuryoz: DİN səhvən "Chanel"in youtube kanalını blokladı
Almaniya Daxili İşlər Nazirliyi səhvən Almaniyada qadağan olunmuş təşkilatı deyil, Fransanın "Chanel" şirkətinin youtube kanalını bloklayıb.
Bu barədə “Die Welt” qəzeti məlumat yayıb.
Nəşrin məlumatına görə, Hamburqdakı İslam Mərkəzinə qadağadan əlavə, daxili işlər naziri Nensi Feserin əmri onun bölməsinə - Berlindəki İslam Mərkəzinə də təsir edib. "Bununla belə, siyahıda adıçəkilən youtube kanalı yoxdur və güman ki, səhvən "Chanel" brendinin kanalı var. Bu anlaşılmazlıq barədə soruşduqda, Almaniya Daxili İşlər Nazirliyi bunun “redaktor səhvi” olduğunu izah etdi. Bəlkə də kimsə "Chanel" əvəzinə "Channel" yazmaq istəyib" - deyə “Die Welt” qəzeti bildirib.
Səhv haqqında alman jurnalist Lennart Faler də öz X səhifəsində məlumat verib. “Kiçik bir nasazlıq: Daxili İşlər Nazirliyinin əmrinə əsasən Berlindəki İslam Mərkəzinin youtube kanalı deyil, "Chanel" kanalı qadağan edilib” - o yazıb.
