ÜST: Qlobal peyvənd vasitəsilə 50 ildə 154 milyon insanın həyatını xilas etdiyi təxmin edilir
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus, ÜST-nin rəhbərlik etdiyi qlobal peyvənd səyləri ilə son 50 ildə 154 milyon insanın həyatının xilas edildiyinin təxmin edildiyini bildirib.
Qebreyesus ÜST-ün həftəlik mətbuat konfransında peyvəndlər sayəsində çiçək xəstəliyinin aradan qaldırıldığını, bir vaxtlar qorxulan qızılca və pnevmoniya kimi bir çox xəstəliyin indi asanlıqla qarşısı alına biləcəyini bildirib.
Dünyada uşaqların yüzdə 84-ünün difteriya, tetanos və göy öskürəyə qarşı üç doza peyvənd edildiyini ifadə edən Qebreyesus, 1974-cü ildə ÜST-ün Genişləndirilmiş İmmunlaşdırma Proqramını (EPI) başlatdığı zaman dünya üzrə körpələrin yüzdə 5-dən azının peyvənd edildiyini xatırladıb.
EPI-nin çiçək xəstəliyinə və digər xəstəliklərə qarşı standart peyvənd proqramlarının yaradılmasında ölkələrə dəstək verdiyini ifadə edən Qebreyesus, 50 il ərzində ÜST və tərəfdaşlarının dəstəyi ilə peyvənd proqramları yaradılıb. EPI milyonlarla uşaq, yeniyetmə və böyüklərin 30-a qarşı peyvənd əldə etməsinə kömək etdiyini deyib: "Araşdırmalara görə, EPI-nin 1974-cü ildən bəri ən azı 154 milyon həyatı xilas etdiyi təxmin edilir. Bu peyvəndlə gündə 8 min, saatda isə 6 həyatı xilas edilir".
Peyvənd sayəsində bu gün doğulan uşağın 5 yaşına çatma ehtimalının 50 il əvvəl doğulan uşaqdan 40 faiz yüksək olduğunu izah edən Qebreyesus, peyvəndlərlə xəstəliklərin qarşısının alınması ilə daha çox insanın həyatının xilas edildiyini vurğulayıb.
"EPI son 50 ildə çox şey əldə etdi, lakin Covid-19 pandemiya prosesi bütün dünyada rutin peyvənd proqramlarını pozdu. Bir çox ölkədə böhranlar və qarşıdurmalar milyonlarla insanın peyvənd olunma fürsətini əldən verməsi deməkdir" - deyə o qeyd edib.
