ABŞ-da neft ehtiyatları 2,8 milyon barrel artıb
ABŞ-ın kommersiya neft ehtiyatları bir həftə ərzində 2,8 milyon barrel artaraq 21 noyabr 2025-ci il tarixinə 426,9 milyon barrel təşkil edib.
AFN.az xəbər verir ki, bu barədə ölkənin Energetika Nazirliyi məlumat yayıb. Bildirilir ki, hazırkı ehtiyat səviyyəsi bu ilin eyni dövrü üçün beş illik orta göstəricidən 4% aşağıdır.
Eyni vaxtda London ICE birjasında Brent markalı yanvar 2026 çatdırılmalı fyuçersin qiyməti 0,22% azalaraq 62,34 ABŞ dolları/barrel, WTI markalı yanvar fyuçersi isə 0,02% artaraq 57,96 ABŞ dolları/barrel olub.
